2022-10-07

TNLiveNews

Minute to Minute NEWS!

Share Market Updates: 1000 புள்ளிகளை தொலைத்த சென்செக்ஸ்! முதலீட்டாளர்கள் கண்ணீர்!!. – Tamil Samayam

கடந்த பங்குச் சந்தை வர்த்தகத்தில் அமெரிக்க பங்குச் சந்தை சரிவுடன் முடிந்த நிலையில், உலக பங்குச் சந்தைகள் சரிவுடன் முடிந்த இதன் காரணமாக இந்திய பங்குச் சந்தையும் சரிவிலேயே காணப்படுகிறது.
ரஷ்யா – உக்ரைன் போர் பதற்றம் தொடர்ந்து பங்கு சந்தையில் இருந்து முதலீடுகள் தொடர்ந்து வெளியேறி வருகின்றன. இதற்கிடையில் மார்ச் 4 நிலவரப்படி, 7631.02 கோடி ரூபாய் மதிப்பிலான பங்குகளை வெளிநாட்டு முதலீட்டாளர்கள் விற்று வெளியேறியுள்ளனர். மறுபுறம் உள்நாட்டு முதலீட்டாளர்கள், 4738.99 கோடி ரூபாய் மதிப்பிலான பங்குகளை வாங்கியுள்ளதாக நிஃப்டி தரவுகள் காட்டுகின்றன.
இன்று காலையில் ப்ரீ ஓபனிங் சந்தையில் சென்செக்ஸ் 369.79 புள்ளிகள் குறைந்து, 53,964.02 புள்ளிகளாகவும், நிஃப்டி 208.90 புள்ளிகள் குறைந்து, 16,036.50 புள்ளிகளாகவும் காணப்பட்டது. இதனையடுத்து தொடக்கத்தில் சென்செக்ஸ் 1326.62 புள்ளிகள் குறைந்து, 53,007.19 புள்ளிகளாகவும், நிஃப்டி357.40 புள்ளிகள் குறைந்து, 15,888 புள்ளிகளாகவும் காணப்பட்டது. இதில் 561 பங்குகள் ஏற்றத்திலும், 1588 பங்குகள் சரிவிலும், 121 பங்குகள் மாற்றமில்லாமலும் காணப்பட்டது.
சென்செக்ஸ், நிஃப்டி குறியீட்டில் உள்ள பிஎஸ்இ டெக், பிஎஸ்இ மெட்டல்ஸ் குறியீடுகள் மாற்றமில்லாமல் உள்ளன. பேங்க் நிஃப்டி, நிஃப்டி ஆட்டோ உள்ளிட்ட குறியீடுகள் 4 சதவீதத்திற்கு மேலாக சரிவில் காணப்படுகின்றன. பிஎஸ்இ கன்சியூமர் டியூரபிள் குட்ஸ், பிஎஸ்இ கேபிட்டல் குட்ஸ் குறியீடுகள் 3 சதவீதத்திற்கு மேலாகவும், நிஃப்டி 50,பிஎஸ்இ ஸ்மால் கேப், பிஎஸ்இ மிட் கேப், பிஎஸ்இ எஃப்.எம்.சி.ஜி, பிஎஸ்இ ஹெல்த்கேர் உள்ளிட்ட குறியீடுகள் 2 சதவீதத்திற்கு மேலாக சரிவில் காணப்படுகின்றன.
நிஃப்டி குறியீட்டில் உள்ள ஓ.என்.ஜி.சி, ஹிண்டால்கோ, கோல் இந்தியா, இன்ஃபோசிஸ், விப்ரோ உள்ளிட்ட பங்குகள் டாப் லாபத்திலும், மறுபுறம் மாருதி சுசுகி, ஈச்சர் மோட்டார்ஸ், இந்தஸ் இந்த் வங்கி, டாடா மோட்டார்ஸ், ஆக்ஸிஸ் வங்கி உள்ளிட்ட பங்குகள் டாப் நஷ்டத்திலும் உள்ளன.
சென்செக்ஸ் குறியீட்டில் உள்ள இன்ஃபோசிஸ் பங்கு டாப் கெயினராகவும், மறுபுறம் ஏசியன் பெயிண்ட்ஸ், மாருதி சுசுகி, இண்டஸ்இண்ட் வங்கி, லார்சன், எஸ்பிஐ, ஆக்ஸிஸ் வங்கி உள்ளிட்ட பங்குகள் டாப் லூசர்களாகவும் உள்ளன.
பங்குச் சந்தியில் 12 மணி வரையில் சென்செக்ஸ் 1240 புள்ளிகள் குறைந்து, 53,113 புள்ளிகளாகவும், நிஃப்டி 320 புள்ளிகள் குறைந்து, 15,925 புள்ளிகளாகவும் வர்த்தகமாகி வருகின்றது.

source