2023-01-30

TNLiveNews

Minute to Minute NEWS!

2021 september 1 share market status – Top Tamil News

தொடர்ந்து 4வது வர்த்தக தினமாக பங்குச் சந்தைகளில் இன்றும் பங்கு வர்த்தகம் சரிவை சந்தித்தது. சென்செக்ஸ் 361 புள்ளிகள் வீழ்ச்சி கண்டது. 
இந்திய பங்குச் சந்தைகளில் இன்று காலையில் பங்கு வர்த்தகம் சரிவுடன் தொடங்கியது. முதலீட்டாளர்கள் லாப நோக்கம் கருதி பங்குகளை அதிகளவில் விற்பனை செய்தது போன்ற காரணங்களால் பங்கு வர்த்தகம் சரிவை சந்தித்தது. சென்செக்ஸ் கணக்கிட உதவும் 30 நிறுவன பங்குகளில் மகிந்திரா அண்டு மகிந்திரா மற்றும் டாக்டர் ரெட்டீஸ் உள்பட மொத்தம் 11 நிறுவன பங்குகளின் விலை உயர்ந்தது. அதேவேளையில் பஜாஜ் பின்சர்வ் மற்றும் மாருதி சுசுகி உள்பட மொத்தம் 19 நிறுவன பங்குகளின் விலை குறைந்தது. 
மகிந்திரா
மும்பை பங்குச் சந்தையில் இன்று 1,810 நிறுவன பங்குகளின் விலை உயர்ந்தது. 1,423 நிறுவன பங்குகளின் விலை குறைந்தது. 175 நிறுவன பங்குகளின் விலையில் எந்தவித மாற்றமும் இன்றி முடிவடைந்தது. மும்பை பங்குச் சந்தையில் பட்டியலிடப்பட்டுள்ள நிறுவனங்களின் பங்குகளின் மொத்த சந்தை மதிப்பு ரூ.259.57 லட்சம் கோடியாக குறைந்தது. ஆக, இன்று முதலீட்டாளர்களுக்கு பங்குச் சந்தையில் ஒட்டு மொத்த அளவில் ரூ.30 ஆயிரம் கோடியை இழந்தனர். 
பங்கு வர்த்தகம் வீழ்ச்சி
இன்றைய வர்த்தகத்தின் முடிவில், மும்பை பங்குச் சந்தையின் குறியீட்டு எண் சென்செக்ஸ் 360.78 புள்ளிகள் சரிந்து 58,765.58 புள்ளிகளில் நிலைகொண்டது. தேசிய பங்குச் சந்தையின் குறியீட்டு எண் நிப்டி 86.10 புள்ளிகள் வீழ்ச்சி கண்டு 17,532.05 புள்ளிகளில் முடிவுற்றது.
© 2019 Top Tamil News

source