2022-09-28

TNLiveNews

Minute to Minute NEWS!

தலைவா் தோ்தல் ஒருபக்கம்; நடைப்பயணம் மறுபக்கம் – தினமணி

21 செப்டம்பர், 2022
புதன்கிழமை 07:23:57 PM
21 செப்டம்பர் 2022
By DIN  |   Published On : 21st September 2022 03:30 AM  |   Last Updated : 21st September 2022 03:30 AM  |  அ+அ அ-  |  
அகில இந்திய தேசிய காங்கிரஸின் தலைவரைத் தோ்ந்தெடுப்பதற்கான வரலாற்றுச் சிறப்புமிக்க தோ்தல் நடவடிக்கைகள் ஒருபக்கம் தீவிரமடைந்துள்ளன. கட்சியின் இடைக்கால தலைவா் சோனியா காந்தியும், அவரின் மகனும் முன்னாள் தலைவருமான ராகுல் காந்தியும் தலைவா் தோ்தலில் போட்டியிடுவதற்கு விருப்பம் தெரிவிக்கவில்லை.

நேரு குடும்பத்தைச் சாராத ஒருவா் காங்கிரஸ் கட்சியின் தலைமைப் பொறுப்பை வகிக்க உள்ளதே தோ்தல் மீதான எதிா்பாா்ப்பை அதிகப்படுத்தியுள்ளது. ஆனால், பெரும்பாலானவா்கள் எதிா்பாா்ப்பதுபோல தோ்தல் சுமுகமாக இருக்கப் போவதில்லை என்றே அரசியல் நிபுணா்கள் தெரிவிக்கின்றனா். கட்சியின் மூத்த தலைவா்கள் அசோக் கெலாட், சசி தரூா் ஆகியோா் தலைவா் பதவிக்கான தோ்தலில் போட்டியிட அதிக ஆா்வம் காட்டி வருகின்றனா்.
காங்கிரஸ் தலைவா் தோ்தல் விவகாரங்கள் ஒருபக்கம் பரபரப்பை ஏற்படுத்திக் கொண்டிருக்க, கட்சியை வலுப்படுத்தவும் பாஜகவுக்கு எதிராக மக்களை ஒன்றுதிரட்டவும் ‘பாரத் ஜோடோ’ நடைப்பயணத்தை ராகுல் காந்தி மும்முரமாக நடத்திக் கொண்டிருக்கிறாா். தலைவா் தோ்தல் விவகாரங்களில் அவா் தலையிடுவதாகத் தெரியவில்லை. இத்தகைய சூழலில் காங்கிரஸில் நிகழ்ந்து கொண்டிருப்பதைப் பல்வேறு கோணங்களில் சற்று விரிவாகக் காண்போம்.
தலைவா் தோ்தல் விவரங்கள்
தோ்தல் அறிவிக்கை செப்டம்பா் 22
வேட்புமனு தாக்கல் தொடக்கம் செப்டம்பா் 24
வேட்புமனு தாக்கல் செய்ய கடைசி தேசி செப்டம்பா் 30
வேட்புமனுக்கள் மீதான பரிசீலனை அக்டோபா் 1
வேட்புமனுவைத் திரும்பப் பெறுவதற்கான கடைசித் தேதி அக்டோபா் 8
தோ்தல் பரப்புரை அக்டோபா் 8-16
தலைவா் தோ்தல் அக்டோபா் 17
தோ்தல் முடிவுகள் அக்டோபா் 19
வாக்காளா்களின் எண்ணிக்கை சுமாா் 9,000
சோனியாவின் நிலைப்பாடு
நாடாளுமன்றத் தோ்தல், மாநில பேரவைத் தோ்தல்களில் தொடா் தோல்விகளைக் கண்ட காங்கிரஸில் அமைப்பு சாா்ந்த மாற்றங்களை ஏற்படுத்த வேண்டும் என 23 மூத்த தலைவா்கள் வலியுறுத்தினா். அதையடுத்து, கடந்த மே மாதம் நடைபெற்ற உதய்பூா் காங்கிரஸ் மாநாட்டில் கட்சித் தலைமையை நேரு குடும்பத்தைச் சாராதவரிடம் வழங்கத் தயாராக உள்ளதாக சோனியா காந்தி அறிவித்தாா்.
காங்கிரஸ் தலைவா் தோ்தல் குறித்த பேச்சுவாா்த்தைகள் தொடங்கியபோது, ராஜஸ்தான் முதல்வரும் கட்சியின் மூத்த தலைவருமான அசோக் கெலாட்டிடம் கட்சியை வழிநடத்த வேண்டுமென சோனியா காந்தி வலியுறுத்தினாா். இது தலைவா் தோ்தலின் நடுநிலைத்தன்மை குறித்து பல்வேறு கேள்விகளை எழுப்பியது. இந்நிலையில், தோ்தலில் நடுநிலைத்தன்மை உறுதிசெய்யப்படும் என்று மூத்த தலைவா் சசி தரூரிடம் சோனியா உறுதியளித்துள்ளாா்.
ராகுலின் நிலைப்பாடு
2019-ஆம் ஆண்டு நாடாளுமன்றத் தோ்தல் தோல்விக்குப் பொறுப்பேற்று கட்சித் தலைவா் பதவியை ராஜிநாமா செய்த ராகுல் காந்தி, அப்பொறுப்பை மீண்டும் ஏற்க மறுத்து வருகிறாா். அண்மையில் கட்சியில் இருந்து விலகிய குலாம் நபி ஆசாத், ராகுல் மீது கடும் விமா்சனங்களை முன்வைத்திருந்தாா். கட்சித் தலைவா் தோ்தலில் போட்டியிடுவது தொடா்பாகவும் ராகுல் எவ்வித கருத்துகளையும் தெரிவிக்கவில்லை.
தோ்தல் நடைபெற்று புதிய தலைவா் தோ்ந்தெடுக்கப்பட்டாலும், அவரது தலைமையிலான கட்சியின் செயல்பாட்டில் ராகுலின் பங்களிப்பு என்னவாக இருக்கும் என்பது தொடா்பாக கட்சி சாா்பில் எந்தவித விளக்கமும் அளிக்கப்படவில்லை.
தோ்தல் போட்டி
கட்சித் தலைவா் தோ்தலுக்கான போட்டியில் ஆரம்பத்தில் இருந்தே முன்னணியில் இருப்பவா் ராஜஸ்தான் முதல்வா் அசோக் கெலாட். தனிப்பட்ட முறையில் ராகுல் காந்தியே கட்சித் தலைவா் பொறுப்பை மீண்டும் ஏற்க வேண்டும் என அவா் வலியுறுத்தி வந்தாலும், ராகுல் அதை ஏற்காதபட்சத்தில் மூத்த தலைவா்களின் வேண்டுகோளுக்கு இணங்க அசோக் கெலாட் தோ்தலில் போட்டியிடுவாா் எனத் தகவல்கள் தெரிவிக்கின்றன. நவராத்திரி விழா வரும் 26-ஆம் தேதி தொடங்கவுள்ளது. அதற்குப் பிறகு அவா் வேட்புமனுவைத் தாக்கல் செய்வாா் என்றும் நம்பத்தகுந்த வட்டாரங்கள் தெரிவிக்கின்றன.
இளைஞா் காங்கிரஸின் ஆதரவுடன் சசி தரூரும் தோ்தல் களத்தில் இறங்க அதிக வாய்ப்புள்ளது. தோ்தலில் போட்டியிடுவது தொடா்பான விருப்பத்தை ஏற்கெனவே பலமுறை வெளிப்படுத்தியுள்ள சசி தரூா், தோ்தல் நடவடிக்கைகள் குறித்து சோனியா காந்தியை கடந்த திங்கள்கிழமை சந்தித்துப் பேசினாா். ‘ஒருவருக்கு ஒரு பதவி’ உள்ளிட்ட உதய்பூா் மாநாட்டில் நிறைவேற்றப்பட்ட தீா்மானங்களை நடைமுறைப்படுத்த வேண்டிய பொறுப்பு புதிய தலைவருக்கு உள்ளதாக சசி தரூா் கூறி வருகிறாா். கட்சி சீா்திருத்தம் குறித்து தொடா்ந்து வலியுறுத்தி வரும் சசி தரூா், தலைவா் தோ்தலுக்கான பரப்புரையை ஏற்கெனவே தொடங்கிவிட்டதாகவே கருதலாம்.
இருமுனையா? பலமுனையா?
தற்போதுவரை அசோக் கெலாட், சசி தரூா் இடையிலான இருமுனைப் போட்டி ஏறத்தாழ உறுதியாகியுள்ளது. அதே வேளையில், மூத்த தலைவா்கள் ப.சிதம்பரம், முகுல் வாஸ்னிக் உள்ளிட்டோரும் தோ்தல் களத்தில் இறங்க வாய்ப்புள்ளது. வேட்புமனு தாக்கல் நிறைவடைந்த பிறகே போட்டி குறித்த தெளிவான பிம்பம் கிடைக்கும்.
ராகுலுக்கு அதிகரிக்கும் ஆதரவு
தோ்தல் நடைமுறைகள் ஒருபுறம் நடந்துகொண்டிருக்கும் நிலையில், கட்சித் தலைவா் பொறுப்பை ராகுல் காந்தியே மீண்டும் ஏற்க வேண்டும் என்று ராஜஸ்தான், சத்தீஸ்கா், குஜராத், தமிழகம், பிகாா், மகாராஷ்டிரம், ஜம்மு-காஷ்மீா், ஹரியாணா உள்ளிட்ட மாநில காங்கிரஸ் செயற்குழுக்கள் ஒருமனதாகத் தீா்மானத்தை நிறைவேற்றியுள்ளன. அந்த வலியுறுத்தலை ராகுல் ஏற்பது சந்தேகமே.
அதேவேளையில், மாநில செயற்குழுக்களால் நிறைவேற்றப்படும் தீா்மானத்தைக் கட்சித் தலைமை ஏற்க வேண்டிய கட்டாயமில்லை எனக் கட்சியின் பொதுச் செயலாளா் ஜெய்ராம் ரமேஷ் விளக்கமளித்துள்ளாா். எனவே, மாநிலச் செயற்குழுக்களின் தீா்மானம் வெறும் சம்பிரதாய நிகழ்வாகவே இருக்கும்.
சசி தரூருக்கு எதிா்ப்பு
அசோக் கெலாட் தோ்தலில் போட்டியிட கட்சிக்குள்ளேயே ஆதரவு காணப்படும் நிலையில், சசி தரூருக்கு எதிா்ப்புக் குரல்கள் கிளம்பியுள்ளன. சசி தரூா் தன்னிச்சையாகவே தோ்தலில் போட்டியிடும் முடிவை எடுத்துள்ளதாகவும், கட்சியின் கொள்கைகளை முறையாகக் கடைப்பிடிப்பவா்களுக்கே கேரள மாநில நிா்வாகிகள் தோ்தலில் வாக்களிப்பா் என்றும் கட்சி எம்.பி. கொடிகுன்னில் சுரேஷ் தெரிவித்துள்ளாா்.
எவரும் போட்டியிடலாம்- ஜெய்ராம் ரமேஷ்
காங்கிரஸ் தலைவா் தோ்தல் வெளிப்படையாக ஜனநாயக முறைப்படி நடைபெறும் எனத் தெரிவித்துள்ள ஜெய்ராம் ரமேஷ், எவா் வேண்டுமானாலும் தோ்தலில் போட்டியிடலாம் என்று கூறியுள்ளாா். தோ்தலில் போட்டியிடுவதற்காக சோனியா, ராகுலின் ஆதரவைப் பெற வேண்டிய அவசியமில்லை என்றும் அவா் கூறியுள்ளாா். 10 காங்கிரஸ் நிா்வாகிகளின் ஆதரவைப் பெற்றுள்ள எவரும் வேட்புமனுவைத் தாக்கல் செய்யலாம் என அவா் தெரிவித்துள்ளாா்.
அதிகாரபூா்வ வேட்பாளா்- கே.சி.வேணுகோபால்
இடைக்கால தலைவா் சோனியாவை செவ்வாய்க்கிழமை சந்தித்த கட்சியின் அமைப்புச் செயலாளா் கே.சி.வேணுகோபால், தலைவா் தோ்தலில் பலமுனைப் போட்டியைத் தவிா்க்கும் வகையில் ‘அதிகாரபூா்வ வேட்பாளரை’ நிறுத்தலாம் என யோசனை தெரிவித்தாா். அதற்கு சோனியா ஆதரவு தெரிவித்ததாகவும் அவா் கூறினாா்.
மீளுமா காங்கிரஸ்?
காங்கிரஸ் தலைவா் தோ்தல் கடைசியாக 2000-ஆம் ஆண்டு நடைபெற்றது. அதில் போட்டியிட்ட ஜிதேந்திர பிரசாதை சோனியா தோற்கடித்தாா். கடந்த 1998-ஆம் ஆண்டுமுதல் தற்போது வரை அவரே கட்சித் தலைமைப் பொறுப்பை வகித்துவருகிறாா். இடையில் 2017 முதல் 2019 வரை மட்டும் ராகுல் கட்சித் தலைவராக இருந்தாா்.
நேரு குடும்பத்தைச் சாராத கட்சித் தலைவராக சீதாராம் கேசரி கடைசியாக 1996-98 காலகட்டத்தில் செயல்பட்டாா். அதற்குப் பிறகு தற்போது நேரு குடும்பத்தைச் சாராதவா், கட்சித் தலைமைப் பொறுப்பை ஏற்கும் சூழல் உருவாகியுள்ளது. எவா் தலைமைப் பொறுப்பை ஏற்றாலும், கட்சியை வலுப்படுத்தி மக்களின் நம்பிக்கையை மீட்டெடுப்பதற்கான நடவடிக்கைகளில் ஈடுபட வேண்டும் என்பதே காங்கிரஸ் கட்சியின் கோடிக்கணக்கான தொண்டா்களின் எதிா்பாா்ப்பாக உள்ளது.
 தொகுப்பு: சுரேந்தர் ரவி
O
P
E
N
Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.
The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.
Copyright – dinamani.com 2022
The New Indian Express | Kannada Prabha | Samakalika Malayalam | Indulgexpress | Edex Live | Cinema Express | Event Xpress
Contact Us | About Us | Privacy Policy | Terms of Use | Advertise With Us
முகப்பு | தற்போதைய செய்திகள் | விளையாட்டு | மருத்துவம் | சினிமா | லைஃப்ஸ்டைல்

source