2022-12-06

TNLiveNews

Minute to Minute NEWS!

ஜூன் மாதமே பள்ளிகளை திறக்க வேண்டும்.. தனியார் பள்ளிகள் சங்கம் அரசுக்கு கோரிக்கை… – News18 தமிழ்

நேரு பிறந்தநாள்: பள்ளி, கல்லூரி மாணவர்களுக்கு பேச்சுப் போட்டி
live: டி20 உலகக் கோப்பை: அரையிறுதியில் இங்கிலாந்து.. ஆஸி. வெளியேறியது
விழுப்புரத்தில் 14 குறுவள மையங்களில் ஆசிரியர்களுக்கு பயிற்சி…
தீபாவளிக்கு மறுநாள் பள்ளி, கல்லூரிகளுக்கு விடுமுறை- தமிழக அரசு
தமிழகத்தில் உள்ள அனைத்து வகை பள்ளிகளிலும் 1ஆம் வகுப்பு முதல் 9ஆம் வகுப்பு வரை பொதுத் தேர்வு முடிந்து 14ஆம் தேதி முதல் கோடை விடுமுறை நடைமுறையில் உள்ளது.
10, 11, 12ஆம் வகுப்பு மாணவர்களுக்கு இம்மாதம் 31-ஆம் தேதி வரை தேர்வு நடைபெறுகிறது. தேர்வு முடிந்து சம்பந்தப்பட்ட பாட ஆசிரியர்கள் தேர்வுத்தாள் திருத்தும் பணிக்கு செல்கிறார்கள். மீதமுள்ள ஆசிரியர்கள் ஓய்வில் தான் இருப்பார்கள்.
1ம் வகுப்பு முதல் 9ஆம் வகுப்பு மற்றும் 11ஆம் வகுப்பு மாணவர்கள் தொடர்ந்து அரசு அறிவித்தபடி ஜூன் 13ஆம் தேதி பள்ளிகளை திறந்து மாணவர்கள் படிப்பை உறுதி செய்திட வேண்டும். ஏற்கனவே 800 நாட்கள் கொரோனா நோய் தொற்று காலத்தில் வீட்டில் இருந்துவிட்டு படிப்பை மறந்து கல்வி பாழகிப் போனதால் மீண்டும் அந்த தவறை நாம் செய்யக்கூடாது. அரசு அறிவித்தபடி காலதாமதமின்றி உடனடியாக வரும் கல்வியாண்டு பள்ளியை தொடங்கிட வேண்டும்.
சில ஆசிரியர் சங்கங்கள் கோடை விடுமுறை இன்னும் வேண்டும் என்று கேட்பது வேதனையாக இருக்கிறது. ஆசிரியர் பணியே அறப்பணி அதற்கே உன்னை அர்ப்பணி என்பதை மறந்து விடுமுறை, விடுமுறை என்று நாள்தோறும் விடுமுறை கேட்பது எந்த வகையில் நியாயம்? ஏற்கனவே மாணவர்கள் அடிப்படை கல்வியை மறந்துவிட்டார்கள். எனவே இனியும் காலதாமதம் செய்யாமல்
இந்த கல்வியாண்டில் மகிழ்ச்சிகரமாக இந்த ஆண்டே இந்த மாதமே தொடங்கிட வேண்டும்.
Also Read : நீட் தேர்வுக்கு மே 20ம் தேதி வரை விண்ணப்பிக்கலாம்- தேர்வு தேதியில் மாற்றமில்லை
அதில், ஆசிரியர்களும் மாணவர்களும் சுணக்கம் காட்ட கூடாது. கல்விப் பணியில் செய்வதற்கு ஆயிரம் வேலைகள் காத்திருக்கிறது பள்ளிகள் திறப்பதை காலதாமதம் செய்ய செய்ய பெற்றோர் வேண்டிய கடன் சுமை அதிகரிக்கும். பொருளாதார சிக்கல்கள் உருவாகும். மாணவர்களை வீட்டில் வைத்துக்கொண்டு சமாளிக்க முடியாது. கெட்டுப் போவதற்கான வாய்ப்புக்கள் அதிகரிக்கும்.
படிக்கிற சூழல் இல்லாமல் போகும் படிப்பதை மறப்பார்கள். ஏழ்மை உள்ள பெற்றோர்கள் கூலி வேலைக்கு பிள்ளைகளை அனுப்புவார்கள், விடுமுறை தொடர கூலி தொழிலாளர்கள் அதிகரிக்கும் சமுதாய சீர்கேடுகள் மிதமிஞ்சி போகும். பெற்றோர்களின் மன உளைச்சலை குறைக்க உடனடியாக பள்ளிகள் திறந்து பிள்ளைகளை பள்ளிக்கு வருவதை உறுதி செய்து பெற்றோர்கள் கணவை இந்த ஆண்டாவது நாம் அனைவரும் இணைந்து நிறைவேற்றுவோம்..
ஜூன் மாதம் முதல் வாரமே பள்ளிகள் திறந்தவுடன் அனைத்து பள்ளிகளும் மாணவர்கள் சேர்க்கையை அதிகப்படுத்தி மாணவர்களுக்கு வழங்க வேண்டிய புத்தகங்கள், நோட்டு புத்தகங்கள், இன்ன பிறவற்றை வழங்கி அடிப்படை கல்வியை சொல்லித்தந்து படிப்பதை உறுதி செய்திட ஆர்வத்தைத் தூண்டுவதற்கு ஒரு மாதம் முழுக்க சரியாக போய்விடும்.
எனவே ஜூன் மாதமே உடனடியாக பள்ளிகளை திறக்க வேண்டும் என்று தமிழக அரசை தமிழ்நாடு நர்சரி பிரைமரி மெட்ரிக் மேல்நிலை மற்றும் சிபிஎஸ்இ பள்ளிகள் சங்கத்தின் சார்பில் அதன் பொதுச் செயலாளர் கே.ஆர்.நந்தகுமார் தமிழக முதல்வருக்கும் பள்ளிக்கல்வித்துறை அமைச்சர் அன்பில் மகேஷ் பொய்யாமொழிக்கும் கோரிக்கை மனு அளித்துள்ளார்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE – 50, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
Tags: Govt School, Tn schools

source