2023-01-30

TNLiveNews

Minute to Minute NEWS!

சிம்மம் 2023 புத்தாண்டு ராசி பலன் : தொழில், வியாபாரத்தில் கொடிகட்டி பறக்கப்போகும் ராசி – Tamil Samayam

குரு பகவான் தரக்கூடிய பலன் :
சிம்ம ராசிக்கு மிக சிறப்பான பலனை இந்தாண்டு தரக்கூடிய கிரகமாக அமையப் போவது குரு பகவான் தான். 2023 புத்தாண்டு தொடக்கம் சற்று சுமாராக இருக்கும். ஏனெனில் குரு ராசிக்கு அஷ்டம ஸ்தானத்தில் சஞ்சரிக்கிறார். அஷ்டம குருவின் காரணமாக நீங்கள் இதுவரை முன்னெடுத்து வந்த பல காரியங்கள் தடை, தாமதம் ஏற்பட்டு வந்திருக்கும். இந்த பிரச்னை குரு பெயர்ச்சிக்கு பின் மாறும்.
ஏப்ரல் 22ம் தேதி குருவின் பெயர்ச்சி காரணமாக, அவர் ராசிக்கு 9ம் இடத்தில் சஞ்சரிப்பார்.
மார்கழி மாத ராசி பலன் : பண மழையில் நனைய உள்ள 6 ராசிகள்

குரு பகவான் உங்கள் ராசிக்கு 9ம் இடத்தில் அமர்வது மிகவும் அற்புதமானது. இதனால் நீங்கள் முயற்சிக்கும் எந்த ஒரு திட்டமும், வழக்கமான வேலைகளும் சிறப்பான வெற்றியை எதிர்பார்க்கலாம்.
குடும்பத்தின் ஆதரவும், நிம்மதியையும் பெற்றிட முடியும். குடும்பத்தில் நிதி நிலை மேம்படும். இதனால் பணத்தட்டுப்பாட்டால் ஏற்பட்ட பிரச்னைகள் தீரும்.
2023 புத்தாண்டு கோடீஸ்வர யோகம் பெறும் ராசிகள் யார் தெரியுமா?
திருமணம் உள்ளிட்ட சுப காரியங்கள் உங்களுக்கு சாதகமாக நடக்கும். அதற்கான முயற்சிகள் செய்யலாம். அட்டமத்திலிருந்து விலகி பாக்கிய ஸ்தானமான 9ல் குரு செல்வதால் குழந்தை பாக்கியத்தை எதிர்பார்க்கலாம். பூர்விக சொத்துக்கள் கிடைக்க சாதகமான காலம். அதோடு வீடு, மனை உள்ளிட்ட சொத்துக்கள் வாங்க சாதகமான ஆண்டாக அமையும்.
சனி பகவான் தரும் பலன்:
சனி பகவான் உங்கள் ராசிக்கு 7ம் இடத்தில் சஞ்சரிக்க உள்ளார். சனி பகவானால் பெரியளவில் நன்மை கிடைக்காவிட்டாலும், பெரியளவில் தீமைகளும் ஏற்படாது என்பது சாதகமான விஷயமாக எடுத்துக் கொள்ளலாம்.
தொழில் / வியாபாரம்
தொழில் காரகனான சனி பகவான் ஆண்டு தொடக்கத்தில் 6ல் அமர்ந்திருப்பதால் தொழிலில் மேன்மை உண்டாகும். ஆனாலும் ஜனவரி 17ல் 7ம் இடத்திற்கு மாறுவதாலும் நன்மையே கிடைக்கும்.
ஏழரை சனி யாருக்கு நடக்கப்போகிறது தெரியுமா? அதில் மிக கடினமான காலம் பற்றி விரிவான பார்வை
நீங்கள் செய்து வரக்கூடிய கூட்டு தொழில், வியாபாரத்தில் உங்களுக்கு சாதகமான பலன் கிடைக்கும். பங்குதாரர்களின் ஆதரவும், அவர்களின் செயல்பாடு திருப்தி அளிக்கும். தொழில் வளர்ச்சியும், அதை விரிவுபடுத்துவதற்கான வாய்ப்பும் சிறப்பாக கிடைக்கும்.
உங்கள் தொழில், வேலை தொடர்பாக வாழ்க்கைத் துணையின் முழு ஆதரவு கிடைக்கும்.
கலைத்துறையில் வருமானம், வாய்ப்பு சிறப்பாக கிடைக்கும்.
உத்தியோகம்
சனியின் சாதக பலன் ஆண்டு முழுவதும் இருப்பதால், உத்தியோகம் தொடர்பாக நல்ல முன்னேற்றமும், பதவி உயர்வு, சம்பள உயர்வை எதிர்பார்க்கலாம்.
அதோடு குரு பகவானும் உச்ச பலனைத் தரக்கூடிய 9ம் இடத்தில் இருப்பதன் காரணமாக வேலை மகிழ்ச்சியாக மாறும்.
இதன் மூலம் பொருளாதார ரீதியான முன்னேற்றம் கிடைக்கும். அதனால் கடன் தொல்லையிலிருந்து மீள முடியும்.
வருமானத்திற்கான வாய்ப்பும், நிரந்த வருவாய் கிடைக்கக்கூடிய சாதக நிலையும் உண்டு.
2023 புத்தாண்டு தொழில், உத்தியோகத்தில் ஜொலிக்கப்போகும் ராசிகள்
அரசியல் / மாணவர்கள்
அரசியலில் பெரியளவில் உங்களுக்கு முன்னேற்றம் கிடைக்கும். தசா புத்தி சாதகமாக இருப்பின் பெரிய வெற்றியும், பதவியும் எதிர்பார்க்கலாம்.
மாணவர்கள் கல்வியில் கவனம் செலுத்தி படிக்க வேண்டிய ஆண்டு. நீங்கள் நினைத்த முன்னேற்றத்தை கல்வியில் எதிர்பார்க்கலாம். வெளிநாடு, வெளியூரில் கல்வி மேல்படிப்பு செல்ல முயற்சி மேற்கொள்பவர்களுக்கு நன்மை உண்டாகும்.
ராகு கேது தரும் பலன் :
2023 அக்டோபர் மாதம் ராகு – கேது பெயர்ச்சி நிகழ உள்ளது. அதுவரை ராகு 9ம் இடத்திலும், கேது 3ம் இடத்திலும் அமர்ந்திருப்பார்கள். ராகு 9ல் இருப்பது சிறப்பானதல்ல. கேது மூலம் நன்மை கிடைக்கும்.
குரு, சனி கிரகங்களின் சாதக அமைப்பு காரணமாக நீங்கள் பெரியளவில் ராகுவால் பாதிப்படைய மாட்டீர்கள்.
2023 புத்தாண்டில் ராகு கேது யாரையெல்லாம் கஷ்டப்படுத்தும் தெரியுமா?
வழிபாடு :
வியாழக்கிழமைகளில் குரு பகவானுக்கு விரதமிருந்து வழிபாடு செய்வதால் உங்களின் செயல்களில் நல்ல முன்னேற்றம் உண்டாகும்.

source